Премьер лигийн 8-р тойргийн нээлтийн тоглолт сонирхолтой болж өнгөрлөө. Ливерпүүлийн алдарч Энфиелд цэнгэлдэхэд лигийн хүснэгтийг тэргүүлэгч Манчестер Юнайтед зочилж тоглов.
Ливерпүүлийн ахлагч Стевен Жеррард урт хугацааны гэмтлээс эргэн ирж гараанд гаран тоглож гоол оруулсан бол тэнцээний гоолыг Чичарито оруулсан. Юнайтед Энфиелдэд 1979 оноос хойш зочилж тоглоод хожигдоогүй цувралаа өчигдөр мөн л үргэлжлүүллээ. 

Тоглолтын эхнээс хүмүүсийн үзэж байснаар л сонирхолтой, ширүүн тоглолт болсон. Харилцан хурдтай довтолгоо өрнөж байсан нь Энфиелдэд цугларсан 46 мянган үзэгч хөгжөөн дэмжигчдыг суудлаас нь босгож байлаа. 
Талбайдаа тоглосон давуу байдлаа Ливерпүүл чамгүй ашиглаж байсан. Уругвайн шигшээн довтлогч тоглолтын анхны аюул тарихаар цохилтыг Де Хеагийн эсрэг хийсэн ч Де Хеа байрандаа байлаа. Чарли Адамын цохилт Жонни Эвансыг онож хажууд нь гүйж явсан Луйс Суарезд бөмбөг ирэхэд тэрээр Эвансын хөдөлгөөний эсрэг хөдөлж хууран цохисон хэдий ч хаалгач хаасан.

2-р хагас эхлээд л Эшли Янг Пепе Рэйнаг шалгаж эхэлсэн. Гэсэн ч зочид энэ өдөр азгүй байсан. 
Булангийн цохилтоос ирсэн бөмбөгийг Дирк Куйт мөргөхөд Еванс гараараа тогтоосныг шүүгч ажигласангүй. Үүний дараачаар эхний үед Суарез дээр гаргасан алдааныхаа төлөө шар худас хүртсэн Фердинанд Адамын хөлийг дэгээдэж Ливерпүүлд чөлөөт цохилт цохих боломж олдсон. шүүгч Фердинадад хуудас өгсөнгүй. Үүнд хөгжөөн дэмжигчид үнэхээр сэтгэл дундуур байсан нь цэнгэлдэхэд цугларсан фанатуудын уур амьсгалаас харагдаж байлаа.
Цохилтыг багийн ахлагч Жеррард цохиж хаалт тавьж байсан Райян Гиггс байраа орхисноос болж намаар ирсэн бөмбөгийг хаах боломж Де Хеад олдсонгүй. Тоглолтын 68 дахь минут үргэлжилж байхад тооны харьцаа 1-0 боллоо.